مجھے اپنے ضبط پہ ناز تھا سر بزم رات یہ کیا ہوا
میری آنکھ کیسے چھلک گئی مجھے رنج ہے یہ برا ہوا
Mujhe Apne Zabt Peh Naaz Tha Sar e Bazam Raat Yeh Kia Hoa
Meri Aankh Kaise Chalak Gai Mujhe Ranj Hai Yeh Bura Hoa
میری زندگی کے چراغ کا یہ مزاج کوئی نیا نہیں
ابھی روشنی ابھی تیرگی نہ جلا ہوا نہ بجھا ہوا
Meri Zindagi Ke Charagh Ka Yeh Mizaj Koi Naya Nahi
Abhi Roshni Abhi Tergi Na Jala Hoa Na Bujha Hoa
مجھے جو بھی دشمن جاں ملا وہی پختہ کار جفا ملا
نہ کسی کی ضرب غلط پڑی، نہ کسی کا تیر خطا ہوا
Mujhe Jo Bhi Dushman Jaan Mila Wahi Pukhta-Kar Jafa Mila
Na Kisi Ki Zarb Ghalat Padi , Na Kisi Ka Teer Khata Hoa
مجے آپ کیوں نہ سمجھ سکے یہ خود اپنے ہی دل سے پوچھیے
میری داستان حیات کا تو ورق ورق ہے کھلا ہوا
Mujhe Aap Kion Na Samajh Saky Yeh Khud Apne Hi Dil Se Poochiye
Meri Dastan Hayat Ka Tou Warq Warq Hai Khula Hoa
جو نظر بچا کے گزر گئے میرے سامنے سے ابھی ابھی
یہ میرے ہی شہر کے لوگ تھے میرے گھر سے گھر ہے ملا ہوا
Jo Nazar Bacha Ke Guzar Gaye Mere Samny Se Abhi Abhi
Ye Mere Hi Shehar Ke Log Thay Mere Ghar Se Ghar Hai Mila Hoa
مجھے اک گلی میں پڑا ہوا کسی بدنصیب کا خط ملا
کہیں خون سے لکھا ہوا، کہیں آنسوؤں سے مٹا ہوا
Mujhe Ik Gali Mein Pada Hoa Kisi Bad-Naseeb Ka Khat Mila
Kahein Khoon Se Lekha Hoa , Kahein Aansoun Se Mita Hoa
مجھے ہمسفر بھی ملا کوئی تو شکستہ حال میری طرح
کئی منزلوں کا تھکا ہوا، کہیں راستے میں لٹا ہوا
Mujhe Humsafar Bhi Mila Koi Tou Shikasta Haal Meri Tarah
Kai Manzilon Ka Thaka Hoa , Kahein Rasty Mein Luta Hoa
ہمیں اپنے گھر سے چلے ہوئے سر راہ عمر گزر گئی
کوئی جستجو کا صلہ ملا نہ سفرکا حق ہی ادا ہوا
Humain Apne Ghar Se Chaly Hoe Sar e Rah Umar Guzar Gai
Koi Justjo Ka Sila Mila Na Safar Ka Haq Hi Ada Hoa
اقبال عظیم
Iqbal Azeem
No comments:
Post a Comment