Aawaara Ik Khayal Tha Taqseer Ban Gaya Ik Khaof Mere Khuwaab Ki Ta'abeer Ban Gaya

وارہ اک خیال تھا تقصیر بن گیا
اک خوف میرے خواب کی تعبیر بن گیا
Aawaara Ik Khayal Tha Taqseer Ban Gaya
Ik Khaof Mere Khuwaab Ki Ta'abeer Ban Gaya

 
کمزور ساعتوں میں کیا ایک فیصلہ
پھر یوں ہوا کہ وہ میری تقدیر بن گیا
Kamzor Saa'aton Mein Kia Aik Faisla
Phir Yun Hoa Keh Woh Meri Taqdeer Ban Gaya

 
اک خوشنما سراب تھا وہ سبز رنگ کا
کاغذ لپٹ کے پاؤں کی زنجیر بن گیا
Ik Khushnuma Saraab Tha Woh Sabz Rang Ka
Kaghaz Lipat Ke Paavun Ki Zanjeer Ban Gaya

 
موہوم ہو گئی ہیں ادائیں وہ دلنشیں
اتنا ہوا ہے  دُور کہ تصویر بن گیا
Marhom Ho Gai Hein Adaaein Woh Dil-Nasheen
Itna Hoa Hai Door Keh Tasweer Ban Gaya

 
احساس تب ہوا مری تکلیف کا اُنہیں
کانٹا جب اُن کی آنکھ میں شہتیر بن گیا
Ihsas Tab Hoa Meri Takleef Ka Unhein
Kanta Jab Unki Aankh Mein Shahteer Ban Gaya

 
اُردو میں کیا کمال ہے اسلُوب درد کا
ارشد غزل کا شہنشاہ مِیر بن گیا
Urdu Mein Kia Kamaal Hai Aslob DARD Ka
ARSHAD Ghazal Ka Shahinsha MEER Ban Gaya

 
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania