Chahat Thi Muhabbat Ka Taqazah Tou Nahi Tha Badly Mein Tera Piyar Bhi Manga Tou Nahi Tha

چاہت تھی محبّت کا تقاضا تو نہیں تھا
بدلے میں تیرا پیار بھی مانگا تو نہیں تھا
Chahat Thi Muhabbat Ka Taqazah Tou Nahi Tha
Badly Mein Tera Piyar Bhi Manga Tou Nahi Tha

 
بے بات کی اک بات زمانے نے بنا لی
جو کچھ ہوا ہم دونوں نے سوچا تو نہیں تھا
Be-Baat Ki Ik Baat Zamane Ne Bana Li
Jo Kuch Hoa Hum Dono Ne Socha Tou Nahi Tha

 
کچھ تیری اداؤں کو غلط لوگو نے سمجھا
سارا قصور اس بات میں میرا تو نہیں تھا
Kuch Teri Adaoun Ko Ghalat Logo Ne Samjha
Sara Qasoor Is Baat Mein Mera Tou Nahi Tha

 
الجھن تھی تامل تھا مجھے کہنے میں کُچھ کُچھ
تُو نے بھی میری بات کو سمجھا تو نہیں تھا
Uljhan Thi Tamul Tha Mujhe Kehne Mein Kuch Kuch
Tu Ne Bhi Meri Baat Ko Samjha Tou Nahi Tha

 
اس بار وہ ناراض بھی پہلے سے سوا ہے
پہلے کبھی اس طرح سے رُوٹھا تو نہیں تھا
Is Baar Woh Na-Raaz Bhi Pehle Se Sewa Hai
Pehle Kabhi Is Tarah Se Rootha Tou Nahi Tha

 
کس طرح بَنا آج مری ذات کا محور
اُس شخص کو میں نے کبھی دیکھا تو نہیں تھا
Kis Tarah Bana Aaj Meri Zaat Ka Mahwar
Us Shakhas Ko Main Ne Kabhi Daikha Tou Nahi Tha

 
میں عشق کی اس آگ میں جلتا رہا تنہا
بُھولے سے ترا نام پُکارا تو نہیں تھا
Main Ishq Ki Is Aag Mein Jalta Raha Tanha
Bhooly Se Tera Naam Pukara Tou Nahi Tha

 
دُنیا کو مِلا لُطف اُٹھانے کا بہانہ
ارشد یہ محبّت تھی تماشا تو نہیں تھا
Dunya Ko Mila Lutf Uthane Ka Bahana
ARSHAD Yeh Muhabbat Thi Tamasha Tou Nahi Tha

 
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania