Dahak Rahi Hein Zamane Mein Dozakhein ARSHAD A'azaab Aur Hein Posheedah In A'azaabon Mein

اِمیج پرِیشاں کوئی ذہن کے خرابوں میں
مہیب خواب تھا شاید بہت سے خوابوں میں
Image Pareshan Koi Zehan Ke Kharabon Mein
Mahaib Khuwaab Tha Shayed Buhat Se Khuwaabon Mein

دریچے دل کے ہوۓ وا تو میرے اندر تھا
تلاش کرتا رہا میں جسے کتابوں میں
Dareechay Dil Ke Hoe Waa Tou Mere Andar Tha
Talash Karta Raha Main Jise Kitabon Mein

 
حیات بخش ہے مجھ کو تری نظر ساقی
نہیں ہے لطف کوئی تلخ ان شرابوں میں
Hayat Bakhash Hai Mujh Ko Teri Nazar Saqi
Nahi Hai Lutf Koi Talakh In Sharabon Mein

 
چمن سے شوخ وہ گُزرا تو کِھل گئیں کلیاں
بسی ہے اُس کے بدن کی مہک گُلابوں میں
Chaman Se Shokh Woh Guzra Tou Khil Gaein Kaliyan
Basi Hai Us Ke Badan Ki Mehik Gulabon Mein

 
دہک رہی ہیں زمانے میں دوزخیں ارشد
عذاب اور ہیں پوشیدہ ان عذابوں میں
Dahak Rahi Hein Zamane Mein Dozakhein ARSHAD
A'azaab Aur Hein Posheedah In A'azaabon Mein

 
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania