Hum Ne Hos Ko Ishq Mein Paishah Nahi Kia Da'awat Labon Ne Di Bhi Tou Bosa Nahi Kia

 ہم نے ہوس کو عشق میں پیشہ نہیں کیا
دعوت لبوں نے دی بھی تو بوسہ نہیں کیا
Hum Ne Hos Ko Ishq Mein Paishah Nahi Kia
Da'awat Labon Ne Di Bhi Tou Bosa Nahi Kia
شاید اُسے یقین تھا آؤں گا لوٹ کر
بند اُس نے گھر کا ایک جھروکہ نہیں کیا
Shayed Usay Yaqeen Tha Aaounga Laot Kar
Band Us Ne GHar Ka Aik Jharokah Nahi Kia
اک تم ہی اُس کا مان تھے کُل کائنات میں
وہ شخص جس پہ تم نے بھروسہ نہیں کیا
Ik Tum Hi Uska Maan Thay Kul Laainaat Mein
Woh Shakhs Jis Peh Tum Ne Bharosa Nahi Kia
تُم ہی نہ پڑھ سَکے دلِ شفّاف کا لکھا
ہم نے تو دُشمنوں سے بھی دھوکہ نہیں کیا
Tum Hi Na Parh Saky Dil e Shafaaf Ka Lekha
Hum Ne Tou Dushmanon Se Bhi Dhokah Nahi Kia
جاتا نہیں فقیر یہ ہر در پہ مانگنے
ظالم کے سامنے کبھی کاسہ نہیں کیا
Jata Nahi Faqeer Yeh Har Dar Peh Mangne
Zalim Ke Samne Kabhi Kasa Nahi Kia
سجدہ کیا ہے صرف خدا کے حضور میں
طاقت کے ہر مقام کو قبلہ نہیں کیا
Sajdah Kia Hai Sirf Khuda Ke Huzoor Mein
Taqat Ke Har Muqam Ko Qibla Nahi Kia
ارشد بُھلا نہ پاۓ وہ لمحہ وصال کا
کیا اس نے کبھی یاد وہ لمحہ نہیں کیا
ARSHAD Bhula Na Paaye Woh Lamha Wisal Ka
Kia Us Ne Kabhi Yaad Woh Lamha Nahi Kia
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania