Shouq Tha Unko Khud-Numaai Ka Toq Mujh Ko Mila Buraai Ka

شُوق تھا اُن کو خُودنُمائی کا
طَوق مُجھ کو مِلا بُرائی کا
Shouq Tha Unko Khud-Numaai Ka
Toq Mujh Ko Mila Buraai Ka

 
ہاتھ اُس نے چُھڑایا تب جانا
زور نازُک سی اُس کلائی کا
Haath Us Ne Chudaaya Tab Jana
Zor Nazuk See Us Kalaai Ka

فیصلہ ہم نے کر لیا لیکن
مرحلہ سخت تھا جُدائی کا
Faisla Hum Ne Kar Liya Lekin
Marhala Sakht Tha Judaai Ka

 
اسکی رحمت پہ کر یقیں زاہد
چھوڑ  دے ڈھونگ پارسائی کا
Uski Rehmat Peh Kar Yaqeen Zahid
Chod Dy Dhong Paarsaai Ka

 
اُن کا الزام میں ہوں ہرَجائی
مُجھ کو شِکوہ ہے نارسائی کا
Unka Ilzam Main Hon Harjaai
Mujh Ko Shikwah Hai Na-Rasaai Ka

 
کِس لئے دل کو اسقدر دُکھ ہے
صرف اک شخص کی جُدائی کا
Kis Liye Dil Ko Is Qadar Dukh Hai
Sirf Ik Shakhs Ki Judaai Ka

 
سامنے آ گئی اجل ارشد
حُکم ملتا ہے کب رہائی کا
Samne Aa Gai Ajal ARSHAD
Hukam Milta Hai Kab Rehaai Ka

 
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania