Mere Chote Se Ghar Yeh Kis Ki Nazar , Ae Khuda ! Lag Gai Kaisi Kaisi Duaoun Ke Hote Hoe Bad Dua Lag Gai

میرے چھوٹے سے گھر کو یہ کس کی نظر، اے خُدا! لگ گئی
کیسی کیسی دُعاؤں کے ہوتے ہُوئے بد دُعا لگ گئی
Mere Chote Se Ghar Yeh Kis Ki Nazar , Ae Khuda ! Lag Gai
Kaisi Kaisi Duaoun Ke Hote Hoe Bad Dua Lag Gai

 
ایک بازو بریدہ شکستہ بدن قوم کے باب میں
زندگی کا یقیں کس کو تھا ، بس یہ کہیے ، دوا لگ گئی
Aik Bazo Bareedah Shikasta Badan Qoum Ke Baab Mein
Zindagi Ka Yaqeen Kis Ko Tha , Bas Yeh Kahiye Dawa Lag Gai

جھُوٹ کے شہر میں آئینہ کیا لگا ، سنگ اُٹھائے ہُوئے
آئینہ ساز کی کھوج میں جیسے خلقِ خُدا لگ گئی
Jhoot Ke Shehar Mein Aaina Kia Laga Sang Uthaye Hoe
Aaina Saaz Ki Khoj Mein Jaise Khalq e Khuda Lag Gai

 
جنگلوں کے سفر میں تو آسیب سے بچ گئی تھی ، مگر
شہر والوں میں آتے ہی پیچھے یہ کیسی بلا لگ گئی
Janglon Ke Safar Mein Tou Aasaib Se Bach Gai Thi , Magar
Shehar Walon Mein Ate Hi Peechay Yeh Kaisi Bala Lag Gai

 
نیم تاریک تنہائی میں سُرخ پھُولوں کا بن کھِل اُٹھا
ہجر کی زرد دیوار پر تیری تصویر کیا لگ گئی
Neem Tareek Tanhaai Mein Surakh Phoolon Ka Ban Khil Utha
Hijar Ke Zard Deewar Par Teri Tasweer Kia Lag Gai

 
وہ جو پہلے گئے تھے ، ہمیں اُن کی فرقت ہی کچھ کم نہ تھی
جان! کیا تجھ کو بھی شہرِ نا مہرباں کی ہوا لگ گئی
Woh Jo Pehle Gaye Thay , Humain Un Ki Furqat Hi Kuch Kam Na Thi
Jaan ! Kia Tujh Ko Bhi Shehar e Na Mehruban Ki Hawa Lag Gai

 
دو قدم چل کے ہی چھاؤں کی آرزو سر اُٹھانے لگی
میرے دل کو بھی شاید ترے حوصلوں کی ادا لگ گئی
Do Qadam Chal Ke Hi Chhaoun Ki Aarzoo Sar Uthane Lagi
Mere Dil Ko Bhi Shayed Tere Hoslon Ki Ada Lag Gai

 
میز سے جانے والوں کی تصویر کب ہٹ سکی تھی مگر
درد بھی جب تھما ، آنکھ بھی جب ذرا لگ گئی
Maiz Se Jane Walo Ki Tasweer Kab Hat Saki Thi Magar
Dard Bhi Jab Thama , Aankh Bhi Jab Zara Lag Gai

Parveen Shakir