.jpg)
کہاں گئے میرے دلدار و غمگسار سے لوگ
وہ دلبرانِ زمیں ، وہ فلک شعار سے لوگ
Kahan Gaye Mere Dildar o Ghamgusar Se Log
Woh Dilbaran e Zameen , Woh Falak Sha'ar Se Log
وہ موسموں کی صفت سب کو باعثِ تسکیں
وہ مہر و مہ کی طرح سب پہ آشکار سے لوگ
Woh Mousamon Ki Sifat Sab Ko Ba'aes e Taskeen
Woh Mehar o Mah Ki Tarah Sab Peh Aashkaar Se Log
ہر آفتاب سے کرنیں سمیٹ لیتے ہیں
ہمارے شہر پہ چھائے ہوئے غبار سے لوگ
Har Aaftaab Se Kirnein Samait Laite Hein
Humare Shehar Peh Chhaaye Hoe Ghayar Se Log
ہم ایسے سادہ دِلوں کی کہیں پہ جا ہی نہیں
چہار سمت سے اُمڈے ہیں ہوشیار سے لوگ
Hum Aise Sadah Dilon Ki Kahein Peh Ja Hi Nahi
Chhar Simat Se Umday Hein Hoshyaar Se Log
لہو لہو ہوں جب آنکھیں تو کیسا وعدۂ دید
چلے گئے ہیں سرِ شام کُوئے یار سے لوگ
Lahoo Lahoo Hoon Jab Aankhein Tou Kaisa Wa'adah e Deed
Chaly Gaye Hein Sar e Shaam Koo e Yaar Se Log
نسیمِ صُبح کے جھونکے ہمیں بھی چھو کے گزر
ہمیں بھی یاد ہیں کچھ موسمِ بہار سے لوگ
Naseem e Subah Ke Jhonky Humain Bhi Chho Ke Guzar
Humain Bhi Yaad Hein Kuch Mousam e Bahar Se Log
(زہرا نگاہ)
Zuhra Nigah
No comments:
Post a Comment