.jpg)
ترے بعد کیسے سنبھالا گیا
جگر سنگ دل جب نکالا گیا
نہیں معتبر اب تری کوئی بات
ترے ساتھ تیرا حوالہ گیا
نئی بات کب تھی ترے شہر میں
جو کیچڑ یہ ہم پر اچھالا گیا
تری یاد کی پھانس دل میں رہی
نا نکلی نا مجھ سے نکالا گیا
وہ اک آس کی شمع جب بجھ گئی
نا جانے کدھر پھر اجالا گیا
مری پیاس ہونٹوں پہ ہی جم گئی
تری دید کا جب پیالہ گیا
گو زخمِ جدائی ہوا مندمل
نا پر آنکھ سے میری نالہ گیا
مجھے رشک قسمت پہ آتا ہے یوں
مرے ساتھ ہر جا نوالہ گیا
مرے گھر پہ دستک اجل نے جو دی
کسی طور اس کو نہ ٹالا گیا
وہ خیرات کا ایک سکہ سہیل
بنامِ محبت جو ڈالا گیا
خرم سہیل
No comments:
Post a Comment