Drd ho dil main to dawa kijeae Dil hi jb drd ho to ki kijeae

درد ہو دل میں تو دوا کیجے
دل ہی جب درد ہو تو کیا کیجے
ہم کو فریاد کرنی آتی ہے
آپ سنتے نہیں تو کیا کیجے
ان بتوں کو خدا سے کیا مطلب
توبہ توبہ خدا خدا کیجے
رنج اٹھانے سے بھی خوشی ہو گی
پہلے دل درد آشنا کیجے
عرضِ شوخی نشاطِ عالم ہے
حسن کو اور خود نما کیجے
دشمنی ہو چکی بہ قدرِ وفا
اب حقِ دوستی ادا کیجے
موت آتی نہیں کہیں غالبؔ
کب تک افسوس زیست کا کیجے
مرزا غالب
Drd ho dil main to dawa kijeae
Dil hi jb drd ho to ki kijeae
Hmko farayad krni aati hae
Ap suntay nahen to kia kijeae
In buton ko khuda se kia matlab
Tauba tauba,khuda khuda kijeae
Rnj uthanay se bhi khushi ho gi
Pehlay dil,drd aashna kijeae
Arz e shokhi nishat e aalam hae
Husn ko aur khudnuma kijeae
Dushmani ho chuki bae qadr e wafa
Ab haq e dosti,ada kijeae
Maut aati nahen kaheen Ghalib
Kb tk afsos zeest ka kijeae
Mirza Ghalib