Neem-Wa See Sharbati Aankhein An-Kahi Ko Karein Kahi Aankhein

نیم وا سی وہ شربتی آنکھیں
ان کہی کو کریں کہی آنکھیں

دل کی دھڑکن کو تیز کرتی ہیں
ایک کھڑکی سے جھانکتی آنکھیں

Dil Ki Dhadkan Ko Tez Karti Hein Aik Khidki Se Jhankti Aankhein

تیری دنیا میں آ کے دیکھا ہے
دیکھتے کان بولتی آنکھیں

Teri Dunya Mein Aa Ke Daikha Hai Daikhte Kan Bolti Aankhein

جو کہ پتھر بھی توڑ دیتی ہیں
ایسی ہوتی ہیں واقعی آنکھیں

Jo Keh Pathar Bhi Tod Daiti Hein Aisi Hoti Hein Waqiee Aankhein

ایک بھونچال کی علامت ہیں
ہلکی ہلکی یہ کانپتی آنکھیں

Aik Bhoonchal Ki Alamat Hein Halki Halki Yeh Kanpti Aankhein

دیکھ دیوار و در پہ اُگ آئیں
غم سے پتھرائی حیرتی آنکھیں

Daikh Deewar o Dar Peh Ug Aaein Gham Se Pathraai Hairti Aankhein

کتنے لہجے تراش لیتی ہیں
خامشی میں وہ بولتی آنکھیں

Kitne Lahje Tarash Laiti Hein Khamshi Mein Woh Bolti Aankhein

جیسا منظر ہو ویسی ہو جائیں
ایک چہرے پہ ہیں کئی آنکھیں

Jaisa Manzar Ho Waisi Ho Jaein Aik Chehre Peh Hein Kai Aankhein

ہیں ابھی تک تلاشِ گمشدگاں
گھر کی دیوار میں چنی آنکھیں

Hein Abhi Tak Talash Gumshudgaan Ghar Ki Deewar Mein Chuni Aankhein

کتنے دلشاد کر گئیں شکوے
وقتِ رخصت وہ بھیگتی آنکھیں

Kitne DILSHAD Kar Gaein Shikwe Waqt e Rukhsat Woh Bheegti Aankhein

دلشاد احمد

Dilshad Ahmad

HIJAR