.jpg)
سبھی کو راز محبت بتا دیا اس نے
کہ آج تک مجھے حیرت ہے کیا کیا اس نے
اُس ایک لمحے میں گُزرا گُمان جنت کا
کہ پہلی بار میرا نام جب لیا اُس نے
وہ روح بن کے رہا جسم کے رگ و پے میں
میں مر چُکا تھا مجھے عُمر بھر جیا اس نے
لگے تھے سنگ بہت شہر درد میں لوگو
ہر ایک زخم میرا پلکوں سے سیا اس نے
تمام عُمر جُدائی کا فیصلہ کر کے
پِلایا زہر مجھے اور خُود پیا اس نے
میں جانتی ہوں تمہیں مجھ سے پیار ہے ارشد
میری نگاہوں کو پڑھ کر بتا دیا اُس نے
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania
No comments:
Post a Comment