دل کے بہلانے کی تدبیر تو ہے
تو نہیں ہے، تری تصویر تو ہے
Dil ke behlane ki tadbeer to hai
Tu nahi hai teri tasveer to hai
ہمسفر چھوڑ گئے مجھ کو تو کیا
ساتھ میرے مری تقدیر تو ہے
Humsafar chhod gaye mujh ko to kia
Sath mere meri taqdeer to hai
قید سے چھوٹ کے بھی کیا پایا
آج بھی پاؤں میں زنجیر تو ہے
Qaid se chhoot ke bhi kia paya
Aj bhi pa’on mein zanjeer to hai
کیا مجال، ان کے نہ دیں خط کا جواب
بات کچھ باعث تاخیر تو ہے
Kia majal, un ke na den khat ka jawab
Bat kuch ba’is e takheer to hai
پرسش حال کو وہ آ ہی گئے
کچھ بھی ہو، عشق میں تاثیر تو ہے
Pursish e haal ko wo aa hi gaye
Kuch bhi ho, ishq mein taseer to hai
غم کی دنیا رہے آباد شکیلؔ
مفلسی میں کوئی جاگیر تو ہے
Gham ki duniya rahe abaad Shakeel
Muflisi mein koi jageer to hai
شکیل بدایونی
Shakeel Badayouni
No comments:
Post a Comment