Dil Kia Kare Kisi Peh Agar Aa Gaya Hai Dil Bankar Haseen Khayal Woh Dhadka Gaya Hai Dil

دل کیا کرے کسی پہ اگر آ گیا ہے دل
بنکر حسِیں خیال وہ دھڑکا گیا ہے دل
اک گونہ چاہیے مجھے تنہائی رات دن
شاید رفاقتوں سے بھی اُکتا گیا ہے دل
تُو آ کے مرے سامنے خاموش بھی رہے
آنکھوں سے راز دل کا ترے پا گیا ہے دل
بے کیف ہو چلی ہیں زمانے کی راحتیں
وعدہ ترے وصال کا بہلا گیا ہے دل
دنیا میں امن عام کی کوئی سبیل ہو
ہر روز نئی جنگ سے گھبرا گیا ہے دل
آۓ نہ آپ  کتنے ہی موسم گُزر گئے
اب کے بہار میں میرا کمہلا گیا ہے دل
دیکھی ہے فلسطین کے بچے کی چشمِ نَم
ارشد وہ ایک اشک جو تڑپا گیا ہے دل
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania