Mani Hazar Manatein Rad Na Hoi Balaye Dil Dard Kuch Aur Badh Gaya Main Ne Jo Ki Dawaye Dil

‏مانی ہزار منتیں رد نہ ہوئی بلائے دل
درد کچھ اور بڑھ گیا میں نے جو کی دوائے دل

میری طرح خدا کرے تیرا کسی پہ آئے دل
تو بھی جگر کو تھام کے کہتا پھرے کہ ہائے دل

غنچہ سمجھ کے لے لیا، چُٹکی سے یوں مسل دیا
ان کا تو اک کھیل تھا، لُٹ گیا میرا ہائے دل

روندو نہ میری قبر کو، اس میں دبی ہیں حسرتیں
رکھنا قدم سنبھال کر، دیکھو کُچل نہ جائے دل

عاشقِ نامراد کی قبر پہ تھا لکھا ہوا
جس کو ہو زندگی عزیز، وہ نہ کہیں لگائے دل

پوچھتے کیا ہو میرے غم ملتے ہیں بیوفا صنم
چھوڑو بُتوں کی دوستی، دیتا یہی ہے رائے دل
مرزا داغ دہلوی