Husn Jab Jab Tera Nazar Aaya Khud Musawar Hi Jalwagar Aaya
.jpg)
حُسن جب جب تیرا نظر آیا
خُود مصوّر ہی جلوہ گَر آیا
مُجھکو مُشرِک بنا دیا تُو نے
اُس کی تصویر میں اُتر آیا
ڈھونڈتا کیا تُجھے زمانے میں
ہو کے خُود سے بھی بیخبر آیا
فیصلہ اب ہے تیرے ہاتھوں میں
مُجھکو کرنا تھا جو وہ کر آیا
دِل میں آیا خیالِ وصل مرے
آپ کا حُسن کیوں نِکھر آیا
آج پھر یاد آ گئی اُس کی
آج دِل بے ارادہ بھر آیا
جانے کیسی تھی رہگزر ارشد
ہم چلے عُمر بَھر نہ گھر آیا
مرزا ارشد علی بیگ
Mirza Arshad Ali Baig
آڈبان پینسلوانیا
Audoban Pynsalvania
.jpg)
Comments
Post a Comment