Kabhi Kabhi Acha Lagta Hai Bas Kamre Ka Shor Sehan Mein Jab Jab Hone Lagta Hai Rim Jhim Sa Shor

کبھی کبھی اچھا لگتا ہے بس کمرے کا شور
صحن میں جب جب ہونے لگتا ہے رم جھم سا شور

عجلت اور پریشانی میں گم صم ایک یقین
دل کی تنگ گلی میں رفتہ رفتہ بڑھتا شور

اپنے آپ سے باتیں کرتا جھیل میں اترا چاند
گہرائی میں جا کر جانے کرے گا کتنا شور

کسی خیال میں سہمی بیٹھی اک غمگین سی شام
اور اس شام کی کوکھ میں پلتا ننھا منا شور

اچھا قد، چہرے پر رونق، گہرے نین نقوش
اور آواز کہ دور کسی جھرنے سے اٹھتا شور
عدنان فرخ