Kahein Ke Hum Na Rahe Apne Ghar Se Kia Nikly Bhatak Ke Koocha e Ahl Sitam Mein Aa Nikly

کہیں کے ہم نہ رہے اپنے گھر سے کیا نکلے
بھٹک کے کُوچۂ اہل ستم  میں آ نکلے
نظر اُٹھاؤں جہاں بس ترے ہی جلوے ہیں
دِکھائی تُو ہی دِیا ہم جہاں بھی جا نکلے
عطا ہو حُسن کی خیرات اک جھلک ہی سہی
تری گلی سے اگر پھر  وہ ہی گدا  نکلے
رہِ سلوک میں احساس یہ ضروری ہے
کہیں فقیر کے دل سے نہ بددعا نکلے
مہہِ کمال کہاں پھر دکھائی دیتا ہے
شبِ وصال  اگر زُلف کی گھٹا نکلے
کسی کے عشق میں آیا ہے وہ مقام ارشد
کُھلیں نہ لب ہی جہاں پر نہ ہی صدا نکلے
مرزا ارشد علی بیگ
Mirza Arshad Ali Baig
آڈبان پینسلوانیا
Audoban Pynsalvania