Kia Yeh Kam Hai Jo Tere Wasty Ae Yaar KiaKhoon Dy Kar Tere Rukhsar Ko Gulnar Kia

کیا یہ کم ہے؟ جو ترے واسطے اے یار کیا
خون دے کر ترے رخسار کو گلنار کیا
میں ، کہ سوتا رہا غفلت کا لبادہ اوڑھے
جنبشِ رحمتِ حق  نے  مجھے  بیدار کیا
رونقِ بزم ، گراں بارٸِ خاطر ، مت پوچھ
شوقِ خلوت نے مجھے خلق سے بیزار کیا
سدِ ہستی پہ گماں تھا کہ کھڑی ہے محکم
ایک  جھٹکے  نے  فنا  کے  اسے  مسمار کیا
اک توجہ کا ہی انکی یہ عجب ہے عالم
اے  اثر دیکھ ، تجھے صاحبِ اسرار کیا
محمد عباس اثر