Tujhe udas bhi karna tha, khud bhi rona tha Ye hadisa bhi meri jan kabhi to hona tha

تجھے اُداس بھی کرنا تھا، خود بھی رونا تھا
یہ حادثہ بھی مِری جاں کبھی تو ہونا تھا
Tujhe udas bhi karna tha, khud bhi rona tha
Ye hadisa bhi meri jan kabhi to hona tha

 
نمو کا رنج نہ ابرِ گریز پا سے ملال
کہ مُجھ کو بانجھ زمینوں میں بیج بونا تھا
Namu ka ranj na abr e gurez pa se malal
Ke mujh ko banjh zameenon mein beej bona tha

 
یہ کیا کہ گردِ رہِ رفتگاں کو اوڑھ لیا
کفن کا داغ بدن کے لہُو سے دھونا تھا
Ye kia ke gard e reh e raftagan ko orh lia
Kafan ka dagh badan ke lahu se dhona tha

 
جو داستاں اُسے کہنا تھی پھر نہ گُفتہ رہی
کہ میں بھی تھک سا گیا تھا، اُسے بھی سونا تھا
Jo dastan usay kehna thi phir na gufta rahi
Ke main bhi thak sa gaya tha, usay bhi sona tha

 
میں تختِ ابر پہ سویا تھا رات بھر محسنؔ
کُھلی جو آنکھ تو صحرا مِرا بچھونا تھا
Main takht e abr pe soya tha rat bhar Mohsin
Khhuli jo ankh to sehra mera bichhona tha

 
سید محسنؔ نقوی
Syed Mohsin Naqvi