Us Mod Se Shuro Karein Phir Yeh Zindagi Har Shay Jahan Haseen Thi Hum Tum Thay Ajnabi

اس موڑ سے شروع کریں پھر یہ زندگی
ہر شے جہاں حسِین تھی ہم تم تھے اجنبی
لے کر چلے تھے ہم جنہیں جنت کے خواب تھے
پھولوں کے خواب تھے وہ محبت کے خواب تھے
لیکن کہاں ان میں وہ پہلی سی دلکشی
رہتے تھے ہم حسِین خیالوں کی بھیڑ میں
الجھے ہوئے ہیں آج سوالوں کی بھیڑ میں
آنے لگی ہے یاد وہ فرصت کی ہر گھڑی
شاید یہ وقت ہم سے کوئی چال چل گیا
رشتہ وفا کا اور ہی رنگوں میں ڈھل گیا
اشکوں کی چاندنی سے تھی بہتر وہ زندگی
سدرشن فاکر