Usay Itna Bata Dena Bareeda Sir Gaya Koi Usay Kehna Keh Khali Haath Apne Ghar Gaya Koi

اُسے اتنا بتا دینا بریدہ سر گیا کوئی
اُسے کہنا کہ خالی ہاتھ اپنے گھر گیا کوئی

اُسے اتنا بتا دینا، محبت ایک دھوکہ ہے
اُسے یہ بھی بتا دینا کہ دھوکہ کر گیا کوئی

اُسے اتنا بتا دینا، کسی کو مان تھا تُم پر
بتا دینا اُسے، الزام خود پہ دھر گیا کوئی

اُسے اتنا بتا دینا کہ جب تیری وفا دیکھی
اُسے یہ بھی بتا دینا، وفا سے ڈر گیا کوئی

اُسے اتنا بتا دینا، کسی کی زندگی تم تھے
اُسے یہ بھی بتا دینا بالآخر مر گیا کوئی