Kam Hi Sahi Par Wasal Ka Imkan Tou Hai Na Jeene Ke Liye Chal Koi Saman Tou Hai Na

کم ہی سہی پر وصل کا امکان تو ہے نا
جینے کے لیے چل کوئی سامان تو ہے نا

کیوں جی نہیں لگتا وہاں پرکھوں گا کسی دن
اب حسبِ طلب دشت بھی ویران تو ہے نا؟

دیتا ہے منافع بھی کہاں دل کو خوشی اب
نقصان نہ ہونے کا بھی نقصان تو ہے نا

مل جائے ترا جسم جو مسکن کو تو کیا بات
ورنہ یہ مرے جسم کا زندان تو ہے نا

مجنون سمجھتا رہے عزمی کو بھلے شہر
درویش تو ہے نا، اسے وجدان تو ہے نا
عزم الحسنین عزمی
Azm Ul Husnain Azmi