Nazar Nazar Beqarar See Hai Nafas Nafas Pur Israr Sa Hai Main Janta Hon Keh Tum Na Aaogy Phir Bhi Kuch Intezar Sa Hai

نظر نظر بیقرار سی ہَے نَفَس نَفَس پُراسرار سا ہے
مَیں جانتا ہُوں کہ تم نہ آؤ گے پھر بھی کُچھ اِنتظار سا ہے
Nazar Nazar Beqarar See Hai Nafas Nafas Pur Israr Sa Hai
Main Janta Hon Keh Tum Na Aaogy Phir Bhi Kuch Intezar Sa Hai
مِرے عزیزو، میرے رفیقو چلو کوئی داستان چھیڑو
غَمِ زمانہ کی بات چھوڑو، یہ غَم تو اب سازگار سا ہے

وُہی فسُردہ ہے رنگِ محفِل وُہی تِرا ایک عام جلوہ
مِری نِگاہوں میں بار سا تھا، مِری نِگاہوں میں بار سا ہے

کبھی تو آؤ، کبھی تو بیٹھو، کبھی تو دیکھو کبھی تو پُوچھو
تمہاری بَستی میں ہم فقِیروں کا حال کیوں سوگوار سا ہے

چلو کہ جشنِ بہار دیکھیں، چلو کہ ظرفِ بہار جانچیں
چَمن چَمن روشنی ہُوئی ہے، کلی کلی پر نِکھار سا ہے

یہ زُلف بردَوش کون آیا، یہ کِس کی آہٹ سے گُل کِھلے ہیں
مہک رہی ہے فضائے ہستی تمام عالَم بہار سا ہے
ساغرؔ صدیقی

Saghar Siddiqui