Chup chupeete reh ke jariye Dil na lage taan kei kariye

چپ چپیتے رہ کے جرئیے
دل نہ لگے تاں کیہ کرئیے
Chup chupeete reh ke jariye
Dil na lage taan kei kariye

آپے ای پونجھ کے اتھرو اپنے
ہولی ہولی ہوکے بھرئیے
Apay ei poonjh ke athru apne
Hauli hauli hauke bhariye

جنیاں بھانویں پیڑاں ہوون
دل دے اتے پتھر دھرئیے
Jiniyan bhanven peeran hovan
Dil de utte patthar dhariye

سجناں باہجھ ہنیرا بھانویں
دل وچ جنّاں چانن بھرئیے
Sajna bahjh hanera, bhanven
Dil vich jinnan chanan bhariye

 
جیندے جی نئیں کٹھے ہوئے
آ رل کٹھیاں ہو کے مرئیے
Jeende ji nai katthe hoey
Aa ra, katheyan ho ke mariye

منزہ سحر
Munazza Sahar