Hadisa hone lagen to hum dua ko dhoondte hain Maslakon ki qaid mein reh kar Khuda ko dhoondte hain

حادثے ہونے لگیں تو ہم دعا کو ڈھونڈتے ہیں
مسلکوں کی قید میں رہ کر خدا کو ڈھونڈھتے ہیں
Hadisa hone lagen to hum dua ko dhoondte hain
Maslakon ki qaid mein reh kar Khuda ko dhoondte hain

نوچتے ہیں ہم بدن سے خود قبائے زندگانی
اور پھر ہم گمشدہ اپنی ردا کو ڈھونڈتے ہیں
Nochte hain hum badan se khud qaba e zindagani
Aur phir hum gumshudah apni rida ko dhoondte hain

ہم فضا میں گھولتے ہیں زہر خود سوچوں کا اپنی
سانس لینے کے لیے پھر خود ہوا کو ڈھونڈتے ہیں
Hum fiza mein ghholte hain zehr khud sochon ka apni
Sans lene ke liye phir khud hawa ko dhoondte hain

مصلحت کی بادبانی کشتیوں میں بیٹھ کر ہم
عشق کے گہرے سمندر میں وفا کو ڈھونڈتے ہیں
Maslihat ki badbani kishtiyon mein baith kar hum
Ishq ke gehre samundar mein wafa ko dhoondte hain

وقت کی بھیگی ہوا میں ساحلوں کی ریت پر اب
عمر رفتہ کے _ بکھرتے نقش پا کو ڈھونڈتے ہیں
Waqt ki bheegi hawa mein sahilon ki ret par ab
Umr e rafta ke bikhharte naqsh e pa ko dhoondte hain

کاسۂ دل کی کھنکتی خواہشوں کے شور و غل میں
آسمانوں سے اترتی اک صدا کو ڈھونڈھتے ہیں
Kasa e dil ki khhanakti khwahishon ke shor o ghul mein
Asmanon se uterti ek sadaa ko dhoondte hain

فرح اقبال
Farah Iqbal