Hum Rokne Ko Pade Ja Rahe Hein Yar Lekin Humare Yar Lade Ja Rahe Hein Yar

ہم روکنے کو پاؤں پڑے جا رہے ہیں یار
لیکن ہمارے یار لڑے جا رہے ہیں یار
Hum Rokne Ko Pade Ja Rahe Hein Yar
Lekin Humare Yar Lade Ja Rahe Hein Yar
تم ان کو رو رہے ہو جو پت جھڑ میں جھڑ گئے
اور ہم جو سبز رت میں جھڑے جا رہے ہیں یار

وہ مسکرا کے دیکھ رہا ہے فلک سے اور
ہم شرم سے زمیں میں گڑے جا رہے ہیں یار

اک ربطِ رائیگاں ہے یہ تسلیم کر نہ لیں
ہم کیوں فضول ضد پہ اڑے جا رہے ہیں یار

قسمت تو دیکھ قیمتی پتھر ہیں ہم مگر
لوگوں کی جوتیوں پہ جڑے جا رہے ہیں یار

ہم زندگی کی حبس زدہ بس میں ہیں عمیر
اور ظلم دیکھ، ہو کے کھڑے جا رہے ہیں یار
عمیر نجمی
Umair Najmi