Mai Mein Dooba Hoa Tu , Hosh Mein Aaya Hoa Main Manba e Aab Hai Tu , Zehar Pilaya Hoa Main
مَے میں ڈُوبا ہوا تُو، ہوش میں آیا ہوا میں
منبعِ آب ہے تُو زہر پِلایا ہوا میں
Mai Mein Dooba Hoa Tu , Hosh Mein Aaya Hoa Main
Manba e Aab Hai Tu , Zehar Pilaya Hoa Main
تُو کسی شہرِ محبَّت کا حسیں شہزادہ
عِشق کے اجڑے ہوئے گاؤں سے آیا ہوا میں
تُو گُلستان کی رَونق میں مہکتا ہوا گُل
اور ویرانۂِ صحرا میں جلایا ہوا میں
محفِلِ نُور میں لہراتا ہوا گِیت ہے تُو
موسمِ ہِجر کی تنہائی میں گایا ہوا میں
زندگانی کی لطافت سے تُو معمُور غزل
اور جِیوَن کے توحُّش سے ستایا ہوا میں
اور کیا اُس کو کہیں سعدی سوائے اِس کے
مُجھ سے بچھڑا ہوا تُو، تُجھ سے مِلایا ہوا میں
سعد الحسن سعدی
Saad Ul Hassan Saadi
Comments
Post a Comment