Main Na Thehron , Na Jan Tu Thehre Kon Lamhon Ke Ro-Ba-Ro Thehre

میں نہ ٹھہروں، نہ جان تو ٹھہرے
کون لمحوں کے روبرو ٹھہرے
Main Na Thehron , Na Jan Tu Thehre
Kon Lamhon Ke Ro-Ba-Ro Thehre
نہ گزرنے پہ زندگی گزری
نہ ٹھہرنے پہ چار سو ٹھہرے

محفل رخصت ہمیشہ ہے
آؤ اک حشر ہا و ہو ٹھہرے

اک توجہ عجب ہے سمتوں میں
کہ نہ بولوں تو گفتگو ٹھہرے

کج ادا تھی بہت امید مگر
ہم بھی جونؔ ایک حیلہ جو ٹھہرے

میں جو ہوں کیا نہیں ہوں میں خود بھی
خود سے بات آج دوبدو ٹھہرے

باغ جاں سے ملا نہ کوئی ثمر
جونؔ ہم تو نمو نمو ٹھہرے
جونؔ ایلیا

Joun Elia