Shikasta khwab, bikhharte khayal de maare Zameen par tere sare malal de maare

شکستہ خواب، بکھرتے خیال دے مارے
زمین پر ترے سارے ملال دے مارے
Shikasta khwab, bikhharte khayal de maare
Zameen par tere sare malal de maare

 
کوئی جواب وہ دینے سے جب رہا قاصِر
تو میرے منہ پہ مِرے سب سوال دے مارے
Koi jawab wo dene se jab raha qasir
To mere munh pe mere sab sawal de maare

 
میں آسماں سے شکایت کروں تو _ گستاخی
بھلے وہ ساری زمیں کے وبال دے مارے
Main asman se shikayet karoon to gustakhi
Bhale wo sari zameen ke wabal de maare

 
نکلنا شہر سے تیرے وہ یاد آتا ہے
کبھی جو موج کو دریا اُچھال دے مارے
Nikalna shehr se tere wo yad ata hai
Kabhi jo mauj ko dariya uchhaal de maare

 
غمِ جہاں سے میں زندہ نکل بھی آؤں تو
تری نظر کو ملا جو کمال دے مارے
Gham e jahan se main zinda nikal bhi aoun to
Teri nazar ko mila jo kamal de maare

 
کروں جو بات جہاں کے حسین چہروں کی
بڑے غرور سے اپنی مثال دے مارے
Karoon jo bat jahan ke haseen chehron ki
Bare ghuroor se apni misal de maare