Agarche Tujh Se Buhat Ikhtelaf Bhi Na Hoa Magar Yeh Dil Teri Janib Se Saaf Bhi Na Hoa

اگرچہ تُجھ سے بہت اختلاف بھی نہ ہُوا
مگر یہ دِل تِری جانب سے صاف بھی نہ ہُوا
Agarche Tujh Se Buhat Ikhtelaf Bhi Na Hoa
Magar Yeh Dil Teri Janib Se Saaf Bhi Na Hoa
تعلقات کے برزخ میں ہی رکھا مُجھ کو
وُہ میرے حق میں نہ تھا اور خلاف بھی نہ ہُوا

عجب تھا جُرمِ مُحبّت کہ جس پہ دِل نے مِرے
سزا بھی پائی نہِیں اور معاف بھی نہ ہُوا

ملامتوں میں کہاں سانس لے سکیں گے وُہ لوگ
کہ جن سے کوئے جفا کا طواف بھی نہ ہُوا

عجب نہِیں ہے کہ دِل پر جمی مِلی کائی
بہت دِنوں سے تو یہ حوض صاف بھی نہ ہُوا

ہَوائے دہر ! ہمیں کِس لیے بُجھاتی ہے ؟
ہمیں تو تُجھ سے کبھی اختلاف بھی نہ ہُوا

پروین شاکر
Parveen Shakir