Akhhan ohdi raah te dhariyan, bhul gaye han ji bhul gaye Jag ne jo jo keetiyan jarian bhul gaye han ji bhul gaye

اکھاں اوہدی راہ تے دھریاں، بھُل گئے ہاں جی بھُل گئے
جگ نے جو جو کیتیاں جریاں، بھل گئے ہاں جی بھُل گئے
Akhhan ohdi raah te dhariyan, bhul gaye han ji bhul gaye
Jag ne jo jo keetiyan jarian bhul gaye han ji bhul gaye

 
آس دی سُولی لٹکے چاء نیں اج وی کجھ کجھ چیتے
جیہڑیاں سدھراں سینے مریاں، بھُل گئے ہاں جی بھُل گئے
Aas do sooli latke cha ne aj vi kujh kujh chete
Jehriyan sadhraan seene marian, bhul gaye han ji bhul gaye

 
کیس اُنھاں دے ناں تے دِتے صدقے خیر خیراتاں
کیس اُنھاں دِیاں ٹھوٹھیاں بھریاں، بھُل گئے ہاں جی بھل گئے
Kes unhan de na te ditte sadqe khair khairatan
Kes unhan diyan thoothiyan bharian, bhul gaye han ji bhul gaye

 
کوہ قافاں دے قصے اندر جیہڑیاں سُندے ہاسے
او مُکھڑا جد تکیا پریاں، بھُل گئے ہاں جی بھُل گئے
Koah Qafan de qisse andar jehreyan sunde hase
O mukhhra jad takeya parian, bhul gaye han ji bhul gaye

 
لکھ ساں اڑیل، ضِدی احمد سبھے اٙنکھ اناواں
سوہنے یار دے قدمی دھریاں، بھُل گئے ہاں جی بھُل گئے
Lakh saan ariyal, ziddi Ahmed sabhe ankh anavan
Sohne yar de qadmi dhareyan, bhul gaye han ji bhul gaye

 
علی احمد گجراتی
Ali Ahmed Gujrati