Jab Se Hoa Hai Saath Tera Humsafar Haseen Mousam Mere Mizaj Ka Hai Kis Qadar Haseen
جب سے ہوا ہے ساتھ ترا ہمسفر حسیں
موسم مرے مزاج کا ہے کس قدر حسیں
Jab Se Hoa Hai Saath Tera Humsafar Haseen
Mousam Mere Mizaj Ka Hai Kis Qadar Haseen
اے ابر و باد، تم سے نہیں اب کوئی غرض
لگنے لگی ہے اب تو ہمیں چشمِ تر حسیں
ہوتا ہر ایک شخص یہاں حسن آشنا
کوزہ گرانِ شہر جو ہوتے اگر حسیں
جب سے مری حیات کی بانہوں میں آ گئے
ہونے لگے حضور یہ شام و سحر حسیں
ہم نے جہاں پہ پاؤں دھرا، زخم کھُل گئے
اور وہ جہاں سے گزریں وہی رہگزر حسیں
یہ فیصلہ تو کاتبِ قدیر ہی کرے
ـموسم حسین ہے کہ مرا ہمسفر حسیں
رضیہ سبحان
Razia Subhan
Comments
Post a Comment