Lab Jo Hanstay Hein Tou Aansoo Ka Guman Hota Hai Kuch Na Kuch Hai Jo Nigahon Se Aayan Hota Hai

لب جو ہنستے ہیں تو آنسو کا گماں ہوتا ہے
کچھ نہ کچھ ہے جو نگاہوں سے عیاں ہوتا ہے
Lab Jo Hanstay Hein Tou Aansoo Ka Guman Hota Hai
Kuch Na Kuch Hai Jo Nigahon Se Aayan Hota Hai
چھو کے آئی ہے تیری دھانی چُنر کو شاید
ورنہ برسات کا یہ رنگ کہاں ہوتا ہے

اس کے لفظوں نے کیا وار سدا دل پہ میرے
اور پوچھا کہ بھلا درد یہاں ہوتا ہے ؟

جھڑتے پتًوں میں بھی جب ساتھ کوئی اپنا ہو
کون کہتا ہے کہ موسم وہ خزاں ہوتا ہے

جب دلاتے ہو ہمیں اپنی وفاؤں کا یقیں
کس قدر خوب وہ اندازِ بیاں ہوتا ہے

بن کے سیلاب بہا دیتا ہے سب کچھ اکثر
اشک بے کس کی جو آنکھوں سے رواں ہوتا ہے
فرزانہ ساجد
Farzana Sajid