Makeen e Dil Na Samjhe , Pardahdar e La Makan Samjhe Kahan Thay Tum , Magar Hum Ko Nigahi Se Kahan Samjhe

مکینِ دل نہ سمجھے، پردہ دارِ لامکاں سمجھے
کہاں تھے تم، مگر ہم کم نگاہی سے کہاں سمجھے
Makeen e Dil Na Samjhe , Pardahdar e La Makan Samjhe
Kahan Thay Tum , Magar Hum Ko Nigahi Se Kahan Samjhe
ہوئے خاموش جب فطرت کو اپنا ترجماں سمجھے
ہر اک غنچے کو دل، ہر خار کو اپنی زباں سمجھے
فقط تھا امتحاں منظور جذبِ شوقِ کامل کا
اٹھے پردے تو راز ِ خنداں ہائے پاسباں سمجھے
نہ جس نے درسگاہِ عشق میں تعلیم پائی ہو
میری باتیں وہ کیا سمجھے، وہ کیا میری زباں سمجھے
تمہارے نام کو ہم نے دوائے درد ِ دل جانا
تمہارے ذکر کو ہم باعثِ تسکینِ جاں سمجھے
سنی ہے داستان ِ سرمد و منصور بھی تم نے
مگر اب تک نہ الفت کی حدیثِ خونچکاں سمجھے
رگِ جاں سے صدا دی، گوشہِ دل میں نظر آئے
کہاں وہ جلوہ گر تھے، اور ان کو ہم، کہاں سمجھے
میں کہنے کو تو اس سے سر گزشت اپنی کہوں بیدؔم
مگر سن کر خدا ہی جانے کیا وہ بدگماں سمجھے
بیدم شاہ وارثی
Bedam Shah Warsi