Mil Hi Jayega Kabhi Dil Ko Yaqeen Rehta Hai Woh Isi Shehar Ki Galiyun Mein Kahein Rehta Hai

مل ہی جائے گا کبھی دل کو یقیں رہتا ہے
وہ اسی شہر کی گلیوں میں کہیں رہتا ہے
Mil Hi Jayega Kabhi Dil Ko Yaqeen Rehta Hai
Woh Isi Shehar Ki Galiyun Mein Kahein Rehta Hai
جس کی سانسوں سے مہکتے تھے در و بام ترے
اے مکاں بول کہاں اب وہ مکیں رہتا ہے

اک زمانہ تھا کہ سب ایک جگہ رہتے تھے
اور اب کوئی کہیں کوئی کہیں رہتا ہے

روز ملنے پہ بھی لگتا تھا کہ جگ بیت گئے
عشق میں وقت کا احساس نہیں رہتا ہے

دل فسردہ تو ہوا دیکھ کے اس کو لیکن
عمر بھر کون جواں کون حسیں رہتا ہے

احمد مشتاقؔ
Ahmad Mushtaq