Wusa'at e Gaisoo e Janan Se Ulajh Baithay Hein Soorat e Gardish e Daoran Se Ulajh Baithay Hein
وُسعتِ کیُسوئے جاناں سے اُلجھ بیٹھے ہیں
صورتِ گردشِ دوراں سے اُلجھ بیٹھے ہیں
Wusa'at e Gaisoo e Janan Se Ulajh Baithay Hein
Soorat e Gardish e Daoran Se Ulajh Baithay Hein
مدحتِ بادۃِ انگور کی خاطر ساقی
رِند اک صاحبِ ایماں سے اُلجھ بیٹھے ہیں
چند نغمے جو مرے سازِ جنوں نے چھیڑے
مستیِ چشمِ غزالاں سے اُلجھ بیٹھے ہیں
آج گمنامیِ احساس کا پرچم لے کر
آدمی شہرتِ یزداں سے اُلجھ بیٹھے ہیں
ایسے کچھ لوگ جنہیں صاحبِ اخلاص کہیں
پھر مرے حالِ پریشاں سے اُلجھ بیٹھے ہیں
نکہتیں صحنِ گلستاں سے خبر لائی ہیں
پھول آدابِ گلستاں سے اُلجھ بیٹھے ہیں
کچھ پتنگے کہ عطا ہے جنہیں شعلوں کا مزاج
رونقِ شامِ غریباں سے اُلجھ بیٹھے ہیں
ساغر صدیقی
Saghar Siddiqui
Comments
Post a Comment