Aap Ka Hukam Hai Sarkar Tou Chal Padte Hein Chal Ke Jana Hai Sar e Dar Tou Chal Padte Hein

آپ کا حکم ہے سرکار تو چل پڑتے ہیں
چل کے جانا ہے سرِ دار تو چل پڑتے ہیں
Aap Ka Hukam Hai Sarkar Tou Chal Padte Hein
Chal Ke Jana Hai Sar e Dar Tou Chal Padte Hein
ہو گراں شورِ سلاسل تو ٹھہر جائیں گے
اچھی لگتی ہے یہ جھنکار تو چل پڑتے ہیں

یہ نہیں پوچھتے یاروں سے، کہاں جانا ہے
یار کہتے ہیں چلو یار تو چل پڑتے ہیں

گھر کی ویرانی بہت راس ہے دل کو پھر بھی
ہے تماشہ بھرے بازار تو چل پڑتے ہیں

چلتے چلتے کہیں بیزار ہوئے بیٹھ گئے
بیٹھے بیٹھے ہوئے بیزار تو چل پڑتے ہیں

یہ نہیں دیکھتے منزل ہے کہ مقتل آگے
ہم بِنا سوچے کئی بار تو چل پڑتے ہیں

یوں تو موسیٰ بھی فقط ایک جھلک دیکھ سکے
طُور پر عام ہو دیدار تو چل پڑتے ہیں
احمد خلیل خان
Ahmad Khaleel Khan