Apno Ke Sitam , Unki Jafa Yaad Karengy Hum Jurm e Muhabbat Ki Saza Yaad Kareingy
اپنوں کے ستم، اُن کی جفا یاد کریں گے
ہم جُرمِ محبت کی سزا یاد کریں گے
Apno Ke Sitam , Unki Jafa Yaad Karengy
Hum Jurm e Muhabbat Ki Saza Yaad Kareingy
تُو آ گئی، آنا تھا جنہیں وہ نہیں آئے
ہم بھی تجھے کیا کیا نہ صبا یاد کریں گے
میں نے دمِ رُخصت جو کہا بھول نہ جانا
یہ سُن کے رُکے، اور کہا یاد کریں گے
اب حرفِ تسلّی کا تکلّف نہ کریں وہ
جو دل سے بُھلا بیٹھے، وہ کیا یاد کریں گے
ہم بُھول کے اب نام بھی لیں گے نہ وفا کا
وہ چوٹ لگی ہـے کہ سدا یاد کریں گے
ہم چشمِ تصوّر میں سجا لیں گے وہ آنکھیں
یُوں پینے پلانے کا مزا یاد کریں گے
یاروں پہ نصیرؔ آپ دل و جاں سے فدا تھے
وہ پِھر گئے سب، آپ بھی کیا یاد کریں گے
پیر سیّد نصیرالدین نصیرؔ شاہ گیلانیؒ
Peer Sayed Naseer u Deen Naseer Shah Gailani
Comments
Post a Comment