Koi khwab dahst e firaq mein sar e sham chehra kusha hua Meri chashm e tar mein ruka nahi ke tha ratjagon ka dasa hua

 

کوئی خواب دشتِ فراق میں سرِ شام چہرہ کشا ہُوا
مِری چشمِ تر میں رُکا نہیں کہ تھا رَتجگوں کا ڈسا ہُوا
Koi khwab dahst e firaq mein sar e sham chehra kusha hua
Meri chashm e tar mein ruka nahi ke tha ratjagon ka dasa hua

 
ہے نِگاہ میں مِری آج تک وہ نِگاہ کوئی جُھکی ہُوئی
وہ جو دھیان تھا کِسی دھیان میں، وہیں آج بھی ہے لگا ہُوا
Hai nigah mein meri aj tak wo nigah koi jhuki hui
Wo jo dhiyan tha kisi dhiyan mein, wahin aj bhi hai laga hua

 
مِرے رَتجگوں کے فشار میں، مِری خواہشوں کے غبار میں
وُہی ایک وعدہ گلاب سا سرِ نخل جاں ہے کِھلا ہُوا
Mere ratjagon ke fishar mein, meri khwahishon ke ghubar mein
Wohi aik wada gulab sa sar e nakhl e jan hai khhila hua

 
تری چشمِ خُوش کی پناہ میں، کِسی خواب زار کی راہ میں
مِرے غم کا چاند ٹھہر گیا کہ تھا رات بھر کا تھکا ہُوا
Teri chashm e khush ki panah mein, kisi khwab zaar ki raah mein
Mere gham ka chaand thehr gaya ke tha rat bhar ka thaka hua

 
ہے یہ مُختصر رہِ عشق پر نہیں آپ ہم رہے ہمسَفر
تو لو کس لیے یہ مباحثہ، کہاں، کون، کیسے جُدا ہُوا
Hai ye mukhtasir reh e ishq par nahi ap hum rahe humsafar
To lo kis liye ye mubahisa, kahan, kaun, kaise juda hua

 
کِسی دل کُشا سی پُکار سے ، اُسی ایک بادِ بہار سے
کہیں برگ برگ نمو مِلی کہیں زخم زخم ہَرا ہُوا
Kisi dilkusha si pukar se usi aik baad e bahar se
Kahin barg barg namu mili, kahin zakhm zakhm haraa hua

 
ترے شہرِ عَدل سے آج کیا سبھی دردمند چلے گئے
نہیں کاغذی کوئی پیراہن نہیں ہاتھ کوئی اُٹھا ہُوا
Tere shehr e adl se aj kia sabhi dardmand chale gaye
Nahi kaghazi koi pairahin nahi hath koi utha hua

 
امجد اسلام امجدؔ
Amjad Islam Amjad