Ab Kia Bataoun Dosto Kitna Udas Hon Shayed Main Aik Had Se Ziyada Udas Hon

اب کیا بتاؤں دوستو کتنا اداس ہوں
شاید میں ایک حد سے زیادہ اداس ہوں
Ab Kia Bataoun Dosto Kitna Udas Hon
Shayed Main Aik Had Se Ziyada Udas Hon
کچھ دیر غور کر کے بتا آئینے ذرا
ہوں واقعی اداس کہ دِکھتا اداس ہوں

ایسے مسرتوں نے دیے ہیں عجیب غم
روتا ہوں خوشگوار، میں ہنستا اداس ہوں

آدھا وہ رخ تھا سامنے آدھا حجاب میں
آدھی خوشی نصیب ہے، آدھا اداس ہوں

ہنس ہنس کے بار بار یوں میری طرف نہ دیکھ
جیسے میں اس جہان کا پہلا اداس ہوں

میں نے تو خود کو غور سے دیکھا نہیں کبھی
احمد ملا، اُسی نے بتایا اداس ہوں
احمد خلیل خان
Ahmad Khalil Khan