Dasht Mein Khaak Bhi Uda Li Thi Bagh Mein Bhi Kharam Kar Lia Hai

سہل کب تھا، جو کام کر لیا ہے
خود کو خود پر حرام کرلیا ہے

دشت میں خاک بھی اڑا لی تھی
باغ میں بھی خرام کر لیا ہے
Dasht Mein Khaak Bhi Uda Li Thi
Bagh Mein Bhi Kharam Kar Lia Hai
دل پسیجے تو کوئی بات بنے
ویسے پتھر تو رام کر لیا ہے

کچھ تو دنیا بھی دل کو نرم کرے
آگے بڑھ کر سلام کر لیا ہے

شہر بھر کی زباں پہ رہتا ہوں
میں نے اتنا تو نام کر لیا ہے

اک کہانی کو موڑ دیتے ہوئے
اپنا قصہ تمام کر لیا ہے

بے زبانی کا دکھ سمجھتا ہوں
خامشی سے کلام کر لیا ہے
انجم سلیمی
Anjum Saleemi