Dil Ka Har Zakham Jawan Ho Tou Ghazal Hoti Hai Dard Nas Nas Mein Rawan Ho Tou Ghazal Hoti Hai

. دل کا ہر زخم جواں ہو تو غزل ہوتی ہے
درد نس نس میں رواں ہو تو غزل ہوتی ہے
Dil Ka Har Zakham Jawan Ho Tou Ghazal Hoti Hai
Dard Nas Nas Mein Rawan Ho Tou Ghazal Hoti Hai
شوق حسرت کے شراروں سے جِلا پاتا ہے
جانِ جاں دشمنِ جاں ہو تو غزل ہوتی ہے

کچھ بھی حاصل نہیں یکطرفہ محبت کا جناب
اُن کی جانب سے بھی ہاں ہو تو غزل ہوتی ہے

شوکتِ فن کی قسم حسنِ تخیل کی قسم
دل کے کعبے میں اذاں ہو تو غزل ہوتی ہے

میں اگر ان کے خد و خال میں کھو جاؤں کبھی
وہ کہیں نازؔ کہاں ہو تو غزل ہوتی ہے
نازؔ خیالوی
Naz Khayalvi