Khamosh Umangon Ka Safar Daikh Rahe Hein Hum Chahne Walon Ki Nazar Daikh Rahe Hein

خـــاموش اُمنگوں کا سفــــر دیکھ رہے ہیں
ہم چـاہنے والوں کی نظــــر دیکھ رہے ہیں
Khamosh Umangon Ka Safar Daikh Rahe Hein
Hum Chahne Walon Ki Nazar Daikh Rahe Hein
گزرے ہوئے موسـم کا اثر ہے کہ یہ ہم ہیں
ہر سمت خزاؤں کے شجـــر دیکھ رہے ہیں

اِک دیپ جو جلتا ہے اندھیرے میں شبِ غم
ہم آئینــــۂ دل میں شــــــــرر دیکھ رہے ہیں

جگنو ہے کہ شبنم ہے کہ تارہ ہے کہ تم ہو
ہم تیرگــئ شب میں سحر دیکھ رہے ہیں

یہ واہمۂ دل ہے کہ تقدیـــر کی اک چـــــال
ہم اپنی دعــــاؤں میں اثـــر دیکھ رہے ہیں

دیوانگــئ شوق کو کیا کیجیـــے اے دوست
ہم سحـر زدہ شہر میں گھــر دیکھ رہے ہیں
شائستہ مفتی
Shaista Mufti