Khud Apne Saye Peh Bar e Garan Thay Hum Jaise Khula Keh Shehar Mein Bas Raeigan Thay Hum Jaise

خود اپنے سائے پہ بارِ گراں تھے ہم جیسے
کھلا کہ شہر میں بس رائیگاں تھے ہم جیسے
Khud Apne Saye Peh Bar e Garan Thay Hum Jaise
Khula Keh Shehar Mein Bas Raeigan Thay Hum Jaise
ہمیں سے شب کے اندھیرے لپٹ کے سوئے تھے
کھلی جو دھوپ تو خود بے اماں تھے ہم جیسے

زمیں کے تن پہ ہمارے لہو کی چادر تھی
خود اپنی ذات میں اِک آسماں تھے ہم جیسے

ہمارے پاؤں تلے موج مارتا تھا فرات
یہ اور بات کہ تشنہ دہاں تھے ہم جیسے

یہ تاج و تخت رہے اپنی ٹھوکروں میں سدا
کہ سرفراز ِ صلیب و سناں تھے ہم جیسے

تمہارے لمس کی حیرت سے آئینہ ٹھرے
وگرنہ دید کے قابل کہاں تھے ہم جیسے

ہمارے دل میں اترتی تھیں آفتیں محسن
ازل سے شہر میں خالی مکاں تھے ہم جیسے
محسن نقوی
Mohsin Naqvi