Sargoshi Bahar Se Khushbo Ke Dar Khuly Kis Isam Ke Jamal Se Bab e Hunar Khuly

سرگوشی بہار سے خوشبو کے در کھلے
کس  اسم کے  جمال سے بابِ ہُنر کُھلے

Sargoshi Bahar Se Khushbo Ke Dar Khuly

Kis Isam Ke Jamal Se Bab e Hunar Khuly
جب رنگ پا بہ گِل ہوں ہوائیں بھی قید ہوں
کیا  اُس  فضا  میں  پرچمِ  زخمِ  جگر  کُھلے
خیمے  سے  دُور  ،  شام  ڈھلے  ،  اجنبی  جگہ
نکلی ہوں کس کی کھوج میں  بےوقت سر کُھلے
 شاید  کہ  چاند  بُھول  پڑے  راستہ  کبھی
رکھتے ہیں اِس اُمید پہ کچھ لوگ گھرکُھلے
وہ مُجھ سے دُور خوش ہے؟ خفا ہے؟ اُداس ہے؟
کس حال  میں ہے ؟ کُچھ  تو  مرا نامہ بر کُھلے
ہر  رنگ  میں  وہ  شخص  نظر  کو  بھلا  لگے
حد یہ،،، کہ رُوٹھ جانا بھی اُس شوخ پر کُھلے
کُھل جائے  کن ہواؤں  سے  رسمِ  بدن رہی
خلوت میں پُھول سے کبھی تتلی اگر کُھلے
راتیں تو قافلوں کی معیت میں کاٹ لیں
جب  روشنی  بٹی  تو  کئی  راہبر  کُھلے
 پروین شاکر
Paveen Shakir