Tapty Sahraoun Peh Gir Ja Sar e Darya Barsa Thi Talab Kis Ko Magar Abar Kahan Ja Barsa
تپتے صحراؤں پہ گرجا سرِ دریا برسا
تھی طلب کس کو مگر ابر کہاں جا برسا
Tapty Sahraoun Peh Gir Ja Sar e Darya Barsa
Thi Talab Kis Ko Magar Abar Kahan Ja Barsa
کتنے طوفانوں کی حامل تھی لہو کی اِک بوند
دل میں اک لہر اٹھی، آنکھ سے دریا برسا
کوئی غرقاب، کوئی ماہیٔ بے آب ہوا
ابر بے فیض جو برسا بھی تو کیسا برسا
چڑھتے دریاؤں میں طوفان اٹھانے والے
چند بوندیں ہی سر دامن صحرا برسا
طنز ہیں سوختہ جانوں پہ گرجتے بادل
یا تو گھنگھور گھٹائیں نہ اٹھا یا برسا
ابر و باراں کے خدا، جھومتا بادل نہ سہی
آگ ہی اب سر گلزار تمنا برسا
اپنی قسمت کہ گھٹاؤں میں بھی جلتے ہیں فرازؔ
اور جہاں وہ ہیں وہاں ابر کا سایہ برسا
احمد فرازؔ
Ahmad Faraz
Comments
Post a Comment