Aik Toote Khuwab Ki Ta'abeer Se Lad Rahe Hein Sab Yahan Taqdeer Se

ایک ٹوٹے خواب کی تعبیر سے
لڑ رہے ہیں سب یہاں تقدیر سے
Aik Toote Khuwab Ki Ta'abeer Se
Lad Rahe Hein Sab Yahan Taqdeer Se
کتنا روشن، کتنا پیارا ہو گیا
میرا کمرہ آپ کی تصویر سے

کیسے چھوڑے گا وہ اب زندان کو
پیار جس کو ہو گیا زنجیر سے

صبر میرے دل کو اب تو آ گیا
آپ آئے ہیں بڑی تاخیر سے

لفظ میرے چاند تارے بن گئے
روشنی پھوٹی مری تحریر سے

آؤ مل کر بات کر لیتے ہیں ہم
فیصلہ کیونکر کریں شمشیر سے

آ ہی جاتی ہے مرے اشعار میں
ایک نسبت ہے جو عنبر میرؔ سے
فرحانہ عنبر
Farhana Anber