Baat Bin Baat Peh Auron Se Ulajhta Kia Hai Masla Kia Hai Tera Khud Ko Samajhta Kia Hai

بات بن بات یہ اوروں سے الجھتا کیا ہے
مسئلہ کیا ہے ترا خود کو سمجھتا کیا ہے
Baat Bin Baat Peh Auron Se Ulajhta Kia Hai
Masla Kia Hai Tera Khud Ko Samajhta Kia Hai
دل تو کرتا ہے بچا لوں یہ تعلق لیکن
کوئی دل ہی سے اُتر جائے تو بچتا کیا ہے

لوگ کہتے ہیں، ترا ہجر لگا ہے مجھ کو
تُو مجھے دیکھ کے بتلا، تجھے لگتا کیا ہے

دل ہے رنجور، نہ آنکھوں میں تری یاد کا نم
پھر یہ پلکوں پہ سرِ شام چمکتا کیا ہے

کیسی افتاد ہے سینے میں، شرارہ ہے کہ دل
راکھ کے ڈھیر میں چپ چاپ سلگتا کیا ہے

اس طرح ترک ِ مراسم کو _ تماشہ نہ بنا
چھوڑ دے ہاتھ سلیقے سے، جھٹکتا کیا ہے

یا اٹھاتے ہوئے دیوار میں در رکھنا تھا
اب یہ دستک کی جگہ سر کو پٹختا کیا ہے
احمد خلیل خان
Ahmad Khalil Khan