Daikh Lo Shakal Meri Kis Ka Aaina Hon Main Yaar Ki Shakal Hai Aur Yaar Mein Fana Hon Main

دیکھ لو شکل میری کس کا آئینہ ہوں میں
یار کی شکل ہے اور یار میں فنا ہوں میں
Daikh Lo Shakal Meri Kis Ka Aaina Hon Main
Yaar Ki Shakal Hai Aur Yaar Mein Fana Hon Main
بشر کے روپ میں اک راز کبریا ہوں میں
سمجھ سکے نا فرشتے کہ اور کیا ہوں میں
میں وہ بشر ہوں فرشتے کریں جنھیں سجدہ
اب اس سے آگے خدا جانے اور کیا ہوں میں
پتہ لگائے کوئی کیا میرے پتے کا پتہ
میرے پتے کا پتہ ہے کہ لاپتہ ہوں میں
مجھی کو دیکھ لیں اب تیرے دیکھنے والے
تو آئینہ ہے مرا تیرا آئینہ ہوں میں
میں مٹ گیا ہوں تو پھر کس کا نام ہے بیدم
وہ مل گئے ہیں تو پھر کس کو ڈھونڈتا ہوں میں
بیدم وارثی
Bedam Warsi